பள்ளியில் உனக்குப் பிடித்த விழா- பள்ளிச் சிறார்க்கு உரிய மேடைப்பேச்சு

 எல்லோருக்கும் அன்பின் வணக்கம்.

எங்கள் பள்ளியில் எத்தனையோ விழாக்கள் .

சுதந்திர தின விழா 

குடியரசு தின விழா 

குழந்தைகள் தின விழா 

ஆசியர் தின விழா 

ஆண்டுவிழா ...........................எனப் பலப்பல. 

இவற்றுள் எனக்குப் பிடித்த விழா -

                                                               குழந்தைகள் தின விழா- நவம்பர்-15 

அன்று பள்ளியில் எல்லா ஆசிரியர்களும் மாணவர்களை அடிப்பதே கிடையாது.

வழக்கமான சீருடைகளை விடுத்து; வண்ண வண்ண உடைகளை அணியலாம்.

பள்ளியில் எங்களுக்காக அன்று இனிப்பும் வழங்குவார்கள்.

வகுப்பே நடக்காது;அதுதான் பெரிய சிறப்பு; 

அதனால் மறுநாளைக்கு வீட்டுப்பாடமும் கிடையாது.

வீட்டிற்குப் போன பின்னரும் விளையாடலாம்;

அம்மாவோடு கதை பேசி மகிழலாம்.

அக்கா/ அண்ணன்/ தம்பி/ தங்கையோடு பொழுது போக்கலாம்.

மொத்தத்தில் குழந்தைகளாகிய நாங்கள் அனைவரும்;

எந்த ஒரு மனக்குறையும் இல்லாமல் நிறைவுடன்

                                                            தொலைக்காட்சியில் சிறப்பு நிகழ்ச்சிகளை ரசிக்கலாம். 

எல்லா மாணவருக்கும் சேர்த்து ஒரு கூட்டம் நடக்கும்.

கூட்டத்தில் பாட்டு, நடனம், நாடகம் என முழுக்க முழுக்க கொண்டாட்டம் தான்.

நாங்கள் ஆடுவோம்; பாடுவோம்; நாடகங்கள் நடிப்போம்;

மாறுவேடமும் போட்டு மகிழ்வோம்.

இந்தக் கலை நிகழ்ச்சிக்காக பத்து நாட்களுக்கு முன்னரே ஒத்திகை, பயிற்சி எனத்

                                                                                                       தடபுடலாக நேரம் போகும். 

இத்தனை இன்பத்தை அள்ளித் தரும் குழந்தைகள் தின விழாவை;

நிரந்தரமாக ஏற்பாடு செய்து கொடுத்த நேரு மாமாவை;

இப்போது மிகுந்த மகிழ்ச்சியோடு நினைத்துப் பார்க்கிறேன்.

ஆம்;

அவரது பிறந்தநாள் தானே குழந்தைகள் தினமாகக் கொண்டாடப்படுகிறது.

வெள்ளைக் கோட்டும் சூட்டும் அணிந்து; 

மார்பில் ஒற்றை ரோஜாவைக் குத்திக் கொண்டு;

‘பாரத ரத்னா’ என்ற பட்டத்திற்குரியவராய்; 

நம் சுதந்திரத் திரு நாட்டின் முதல் பிரதமமந்திரியாய்ப் பதவியேற்ற;

ஜவஹர்லால் நேருவின் பிறந்தநாளை...

நாட்டு மக்கள் எப்படிக் கொண்டாட வேண்டும் என்று;

அவரே வரையறுத்துக் கொடுத்தார்.

குழந்தைகள் மேல் அவர் கொண்ட பிரியம் தான்...

அவரை மாமா என்று அழைக்க வைத்தது.

பாரத தேசமெங்கும் உள்ள குழந்தைகளுக்கு ஒரு அடையாளமும் அங்கீகாரமும்

கிடைத்தது; ஜவஹர்லால் நேருவின் பிறந்த நாளால் தான் எனில் மிகை ஆகாது.

அவரது பிறந்தநாளில் நாம் செய்ய வேண்டிய பணியையும் சிந்திக்க வைக்கிறது

இக்கொண்டாட்டம். 

அடிப்படைத் தேவைகளைப் பெற இயலாமல்;

படிக்க வேண்டிய வயதில் உழைக்கச் செல்லும் குழந்தைகள் எல்லோருக்கும்

சமச்சீரான கல்வியைக் கொடுக்கும் சமுதாயமாக...

நம்நாடு உருவாக நாம் துணை நிற்போம்;

ஒன்று கூடுவோம்;

மாற்றத்தைக் கொண்டு வருவோம் என்று கூறி நிறைவு செய்கிறேன்.

                                                                    நன்றி

                                                                வணக்கம்.